Quba

Описание

QUBA RAYONU Tərkibi – 1 şəhər, 7 qəsəbə 149 kənd Ərazisi – 2580 kv.km Əhalisi – 159.000 nəfər (01.01.2011) Quba rayonu ilə Bakı şəhəri arasında olan məsafə – 170 km Coğrafi mövqeyi- Quba rayonu Böyük Qafqazın şimal-şərqində əlverişli coğrafi mövqedə yerləşir. Rusiya Federasiyası ilə yaxınlıq, təbii sərvətləri rayonun inkişafına öz təsirini göstərmişdir. Rayon Şamaxı, İsmayıllı, Şabran, Xaçmaz, Qusar, Siyəzən, Qəbələ rayonları ilə sərhədlənir. Azərbaycanın mədəni-maarif mərkəzlərindən biri olan qədim Quba torpağı öz təbii- coğrafi və füsünkar gözəlliyi ilə çox məşhurdur. Böyük Qafqaz sıra dağlarının şimal-şərq ətəklərində tutmuş Samur- Dəvəçi ovalığınadək bir ərazidə yerləşən bu gözəlliklər məskəninin mərkəzi olan Quba şəhəri dəniz səviyəsindən 616 metr yüksəklikdə qərar tutub. Quba rayonu ərazisində öz mənbəyini başıqarlı dağların buz kimi diş göynədən bulaqlarından almış 100-ə qədər irili-xırdalı çaylar mövcuddur. Rayonun ərazisindən axan əksər çayların suyu təmiz və içməli olduğundan əhalinin çoxu bu çayların suyundan məişətdə istifadə edir. Rayon ərazisindən axan əsas çaylarından: Qudval çayı, Ağ çayı, Qaraçay, Vəlvələ çayı və s. göstərmək olar. İqlimi-Quba rayonunun iqlimi sərt-mülayimdir. Qış mövsümü üzrə temperatur-20 dərəcə S-yə yaxın, yay mövzümündə isə + 35 dərəcə S-yə yaxın müşahidə olunur. Tarixi-Yaşı ilk orta əsrlərə gedib çıxan Qubanın tarixi haqqında qədim alban və ərəb mənbələrində, Avropanın müxtəlif coğrafiyaşünaslarının əsərlərində bu və ya digər şəkildə bəhs olunmuşdur. Quba şəhərinin ilk təməl daşı XIV-cü əsrdə qoyulmuşdur. XVIII-ci əsrin ortalarında Quba xanlığı yaradılmış, onun mərkəzi əvvəl Xudat, sonra isə Quba şəhəri olmuşdur. Hüseynəli xanın oğlu Fətəli xanın (1758-1789) dövründə Quba xanlığının mövqeyi artmışdır. 1806-cı ildə Quba xanlığı Rusiyaya birləşdirildi və əyalətə çevrildi. Yenidən təşkil olunmuş Quba qəzası 1840-cı ildə Dərbənd quberniyasına, 1860-cı ildə isə Bakı quberniyasına daxil edildi. 1930-cu ildə Quba Azərbaycanın inzibati rayonlarından birinə çevrildi. Turizm-Təbii “Minarə” - rayon mərkəzi ilə